بعض الاستفسارات عن الجارح +170
السلام عليكم
عندي جارح لفل 171 و كان عندي بعض الاسئلة والاستفسارات اللي ملقتلهاش اجابة في البوست المثبت الخاص بالجارح (شكرا لصاحب البوست بالمناسبة)
اول حاجة :
بالنسبة للمرافقين انا بستخدم دفاعي و مدمر .
سبب استخدام المدمر عشان بف الدعم السحري و دا بيساعد فشخ في المهارات الكامنة , تقريبا لما باخد بف الدعم السحري بيخلي دم الدفاعي يزيد 10 الف زيادة , غير طبعا قوة الضربة الحرجة بتاعت المرافقين و باقي المهارات الكامنة اللي بتزود المرافقين و وكمان الوحدة بتاعت المدمر و الترياق بتاعه بيساعدني عشان انا جارح عضلي .
-السؤال بقي , هل فعلا المدمر افضل من الضرر بعيد او القريب ولا لا ؟ عشان لو هو افضل استثمر فيه واجيب مدمر +3 بدل +1 و اجيبله فاس مطور +20 بدل مااجيب قوس للضرر بعيد .
تاني حاجة :
بالنسبة للضرر الجماعي للجارح , الموضوع دا ملهوش حل ؟؟
انا مثلا بقدر علي سراديب 4 فردي حاليا , بس المشكلة لما بقتل اتباع العرافة لازم اقتلهم واحد واحد , او بالاخص لما اكون في السيرك رتبة 1 بساعد شخص ما بكون بطئ جدا بسبب ان مافيش ضرر جماعي , علي عكس اي تخصص تاني لو في نفس القوتي هيخلص اسرع بكتير .
و المشكلة الاكبر لو مثلا طورت نفسي و بقيت اقدر اقتل وحوش السحيقة بضربة او بضربتين , هل هكون سريع زي النبيل مثلا او الظلال ولا هفضل بطئ برضو بسبب ان مافيش المهارات الجماعية ؟
اخر حاجة :
بالنسبة لسلاح المروض نفسه , انا كنت بمسك نشاب و درع زمان لما كان الاتك سبيد بتاعه عالي , بس اعتزلت فترة ورجعت لقيت الاتاك سبيد بتاع النشاب قل فشخ .
حاليا مش عارف هل امسك نشاب زي زمان ولا امسك سلاح قريب زي صولجان او فاس (الاسعاف بتاعي كويس و مش محتاج اي حاجة تزيد الاسعاف).
-بالنسبة للنشاب الحلو فيه انه كويس جدا لما احب اسحب الوحوش عشان ببقي بعيد و بقدر اسحب وحش واحد بدل ما كل الوحوش تهجم عليا , و برضو انه بيزود قوة ضربة الحرجة ليا و للمرافقين (عشان في كامنة بتزيد حرجة المرافقين 40% من الحرجة بتاعتي) بشكل اكبر من باقي الاسلحة عشان بمسك معاه درع .
-بالنسبة للسلاح القريب الاتاك سبيد بتاعه هيبقي اعلي , وكمان في كامنة بتزيد قوة المرافقين 30% من قوتي (رغم ان هي تعتبر ملهاش لازمه تقريبا لان لو القوة بتاعتي 1000 المرافقين هيزيدو 300 تقريبا , و 300 قوة هيزيد المرافقين 840 الي 2100 بوراتاك , اللي هي حاجة بسيطه اصلا)
-فايه افضل سلاح امسكه و اكمل بيه و استثمر فيه و اطوره ؟؟
