14
هل تعبت من كونك تاجر فاشل؟
هل تحس بأن الأسعار غير منطقية؟
هل تريد بيع أو شراء شىء بسرعة ؟
إنها التجارة يا سادة و التى من أهم الأشياء فى أمل الشعوب
إن شاء الله موضوعى يلم كل المعلومات اللى يحتاجها كل مبتدىء فى التجارة ... فأبقوا معى و إن شاء الله كل فترة و التانية بضيف حاجات على الموضوع جديدة فى عالم التجارة إذا جد شىء
المهم ما علينا ، نبدأ فى الموضوع
الأول قبل كل شىء لازم الكل يعرف المعنى الجوهرى لكلمة تجارة
التجارة بكل بساطة هى شراء الأشياء ثم بيعها مرة أخرى بسعر أعلى لكن سعر عادل و منطقى بهدف المكسب و الثروة
و هبدأ لكم بتنظيم التجارة فى أمل الشعوب على هيئة بنود أرجو أن يعجبكم الشرح
قبل البداية ملحوظه هامة
هذا الموضوع يشرح استراتيجيات و طرق البيع و الشراء
وكل الأسعار هنا مجرد أمثلة لتوضيح الفكرة
فقد تختلف الأسعار من اصدار لآخر
فاحرص على فهم طريقة التجارة من الموضوع و لا تنظر للاسعار على انها حقيقية لأنها اسعار متغيرة من وقت لآخر
دائما فى كل الطرق اللى هذكرها يكون المزاد هو مرجعيتك و يجب أن تلتصق بالمزاد ليل نهار(1)التجارة على شات اللعبة (سواء كان صراخ أو اعلان ... إلخ)
فى حالة الشراء:-
نفرض إن لديك سلعة ما تريد شراءها و لا تعرف ثمنها
(1)تدخل على المزاد (مرجعك) تكتب اسم الأداه صحيح فى البحث و تشوف النتائج ، و تاخد سعر متوسط للنتائج اللى ظهرت أمامك
(2)تروح على الشات و تكتب أشترى كذا بسعر كذا
(3)لاحظ : يجب عليك كتابة الأداة بسعرها واضح حتى لا يهمسلك نوبات بأسعار عالية
(4)اشترى الأداة و أنت مرتاح البال
فى حال أنت اللى تبيع أداة و ما تعرف تحدد ثمن لها :-
(1)ادخل على المزاد و تنفذ الخطوات
(2)تعلن للبيع كذا بسعر كذا ، لازم تكتب سعر حتى لا يهمسلك نوبات بسعر منخفض ^_*
(3)بيع و انت مرتاح البال
طيب ماذا لو لم تجد أداتك اللى تسأل عنها فى المزاد؟؟؟
الحل: اياك تبيع أو تشترى ، تدخل المنتدى قسم المساعدة و تسأل عن سعر أداتك و هيرد عليك خبراء باللعبة و يقولولك متوسط سعرهاحل آخر و فكرة لمعرفة الأسعار من الأخ piercpng2 فشكرا له
في حال تريد بيع او شراء شي لاتعرفه سعره ولم تجده في السوق او في المزاد فهناك طريقة دائما مانصح بها اي شخص يسالني عن سعر شي لاعرفه
احيان تكون اسعار المزاد مبالغ فيها في حال انك تشتري ستكون مشكلة
المهم الطريقة كالتالي:
في حالك تريد بيع شيء :
مثلا تريد بيع عصا +20 سفك فريد لاتعرف كم سعرها الان :
تقوم بالاعلان في الشات وتقول "مطلوب عصا +20 سفك فريد " اهمس بسعرك
عندما تاتيك اسعار لعصا مشابه لعصاتك تستطيع بيعها بالسعر الذى تريده وانت تعرف سعرها الفعلي
=================================
في حال تريد شراء غرض لاتعرف سعره
عليك بعكس العملية :
مثلا تريد شراء عصاء+20 سفك فريد اعلن في الشات :
للبيع عصا +20 سفك فريد اهمس بسعرك لاتقول بكم عدم الرد يعني عدم الموافقه
وهكذا الاسعار التي تاتي لك على اثرها اشتري عصاتك ^^
(2)التجارة على المزاد نفسهفى حالة الشراء:-
(1)تدخل المزاد تعمل بحث عن أداتك اللى تريد شراءها
(2)بسيطة تشوف أقل سعر موجود قدامك و تشتريها
(3)فى حالة ليس لديك خلفية عن سعرها شوف السعر عن طريق موضوع طلب مساعدة على المنتدى (لأن ممكن أساسا أقل سعر للأداة يكون عالى و انتهازى) فمش شرط تاخد أقل سعر و خلاص
(4)فيه حيلة قذرة يطبقها بعض اللاعبين وهى يكون عنده حسابين مختلفين ، و يحطلك فى المزاد بالحساب الاول أداة ثمينة بسعر بدأ مزايدة سخيف يعنى ممكن 400 دهبة كمثال ، و كل دا بهدف جرك للدخول فى المزايدة ، بعد كدا يدخل بالحساب التانى يزايد عليك و فجأة تلاقى السعر ارتفع من 400دهبة ل11مليون دهبة .. نصيحتى : اترك الأداة فهى طريقة رخيصة و أنا شخصيا أرفض شراء شىء من شخص ملتوى التفكير فاحذر من الأشياء المفتوحة للمزايدة بسعر نوبفى حالة انتا تريد بيع شىء فى المزاد:-
(1)تبحث فى المزاد عن الأداة اللى تريد بيعها
(2)تحط الأداه بسعر أقل من كل الأسعار اللى شفتها حتى تباع بسرعة(أتكلم عن سعر الشراء المباشر طبعا)
(3)فى حالة ردت لك الأداة و لم تباع بعد ال72 ساعة .. اعرف انك يجب أن تقلل السعرى شوية ^_* (طبعا عندك حدود يعنى عند سعر معين و ما تنقص عنه حتى تتجنب الخسارة)(3)السوق ... ركز معى هنا لأن كل اللى فات لعب أطفال بالنسبة للسوق
دخلت السوق فوجدت أسعار خيالية@_@هههههههههههه لا تنفزع اهدى شوية و ادخل
المهم السوق هو التجارة أما كل اللى فات من الشرح كان البيع و الشراء
يعنى هنا هنتكلم عن كيفية زيادة أموالك حتى تكون من أثرياء اللعبة
(1)السوق معناه معك مال ادخله ... ما معك مال بيع و اشترى فى المزاد و الشات حتى تجمع كاش ... يعنى المزاد و الشات استخدمهم فى بيع اشياء لا تحتاجها حتى لو بالخسارة القليلة بهدف تجميع كاش
(2)طيب معك كاش ... تحتاج تلف فى السوق شوية لأن يلزمك الخبرة لأن السوق كله عبارة عن 12% حيتان ودول تخاف تقرب من محلاتهم أسعارهم مليارت ههههههههه بس أسعار منطقية و صحيحة و عندك 18%سفاحين كاش يبيعوا بسعر غالى جدا بس يمشى و 1%ناس حلوة أسعارها واضحة و رخيصة و غير قابلة للفصال ممكن تتفاوض معاهم و ينزلولك السعر أما باقى ال69% كلهم لصوص و نصابين أسعارهم غير منطقية فاحذر من السوق و اعلم ان هدفك هو زيادة كاشك مهما كان أمامك من أشياء مغرية
(3)نفرض انك لفيت السوق 3 أيام عايش فيه .. هتعرف تلقائى السلع المتداولة اللى تباع بسرعة و تكسب فيها بسرعة ، و دى لستة بالأشياء اللى ممكن تتاجر فيها سوق و مكسبها حلو عرفتها من خبرتى فى السوق :-
بطائق المهارة
-ترويض+5 فيما فوق
-القوى المنحدرة+5 فيما فوق
-طاقة الحماية+5 فيما فوق
-غموض المحيطات+5 فيما فوق
الأسلحة
-عصا تخصص احترافى سواء اصدار قديم أو جديد (بسبب مرافقى الصيد الاسعافى)
-قوس طويل تخصص احترافى اصدار قديم أو جديد (بسبب مرافقى الصيد الضرر البعيد)
الدروع
-خوذة احتراف الساحر و المحارب عليهم الطلب كتير
الحزام
-مجموعة رودورا عليها الطلب كتير
-مجموعة أنشودة الحزن عليها الطلب كتير
الجيب
-مرافق التنين مطلوب كتير للجيب
-مرافق ذو الرؤوس مطلوب جدا جدا و بصورة ملحة لو معك فلوس تاجر فيهم
-كنتاروسات مطلوبة
-سيرينات و يتيات و عظميات+4 عليهم الطلب
ملحوظة هامة جدا: النقاط ليست قابلة للتجارة .. بمعنى ان لو انتا شحنت نقاط تبيعها عادى لكن لو معك كاش و تريد شراء نقاط بهدف التجارة فيها فنصيحة لأ
لأن بكل بساطة افرض انك اشتريت 100ن بمليار و150م (نادر جدا جدا تشترى بكدا) و بعتها بمليار و 200م يعنى مكسبك 50م بعد مجازفتك بمليار و 150م
فنصيحة بيع نقاط لو بتشحن، لو ما تشحن لا تشترى النقاط الا لو هتستخدما فقط أو تريد تحويل كاشك من كاش لصورة نقاط
(4)اللستة اللى فوق اسعارها نار .. فرضنا ان معك 100م ذهبة مثلا و تريد زيادتهم ...
حاول دايما انك تنتهز هنا الفرص و تحاول تشترى حاجات بسعر رخيص و تبيع غالى أو لو برارى تشترى فوارغ و تحاول تروض على أمل النجاح و ترجع تبيع
يعنى مثال أنا لو ما معى غير 100م شو أعمل هنا ييجى دور محل الشراء و محل البيع
مثال : للشراء رخيص و البيع بمكسب معقول
اعمل اعلان عن شراء ذو رؤوس فارغ ب30م مع العلم أنا مثلا مو برارى هههههه ... واحد باعنى بطاقة
أدخل على السوق أعمل محل شراء فاضل معى70م اشترى 2 ذو رؤوس فوق اللى اشتريته ب30م
بعد لما أشترى أفتح محل بيع ب32م للواحدة ... يكون مكسبى 6مليون بدون أى تعب ^_^
قم بتطبيق هذا المثال على كل الأدوات عزيزى القارىء ... و كل ما كانت الأداه أغلى كل ما نسبة المكسب أعلى
(4)بفرض أنك شخصية تخصص برارى
البرارى من الآخر ترويض+3 فيما فوق ... لو ما معك ترويض+3 لا تروض أحسن لأنك هتخسر (لكن ممكن باقل من+3 تجيب فلوس بس انتا وحظك و هقولك الطريقة)
فى حالة ترويضك أقل من+3
تروح جزيرة المتدربين و تشترى فوارغ أساسى يفضل تشترى سلاحف لأن بها بف نقل الاصابة عند تحسين +5 أو+4 على ما أعتقد و عليها الطلب من تخصص الحكماء
طبعا ممكن تروض مرافقين شائع بس ما أنصح بيها (الترويض كله حظ) لكن بقدر الامكان نحاول تجنب الخسارة
تروض و ممكن تعمل فريق ترويض تروضوا مع بعض سلاحف
و انتا و حظك بالدمج وصل سلاحف كتير ل+3 و بعدها حاول تدمجهم ل+4 ممكن من كتر الفشل يطلعلك مهرج (حظ حلو جدا جدا ) بيتباع المهرج ب200م و هو لسة بيبى ^_*
كرر العملية جمع كميات سلاحف +3 و ادمجهم ل+4 لحد ما يكون معاك 10 سلاحف +4 و حاول توصل ل+5 لو نجح معك قبل ما ال10 يخلصوا ما أقدر أقول غير ان حظك كفو و بيع السلحفة +5 ب200م مروضة (شوف تخيل مهرج طاحلك بالصدفة تمنه بتمن السلحفةال+5) أساسا هذه الطريقة هدفها الأول و الأخير مهرجات
فى حالة ترويضك +3
خش فى مشروع ترويض الشائع و عمل مرافقين جيب
و هيساعدك اصدار العبور لأن وقت تجهيز المهارة صار من 2 دقيقية ل20ثانية يعنى هيساعدك تروض بسرعة
(1)اعمل محل فوارغ شائع الحبة يتراوح سعرها بين 40 ل+80 ألف أخرها حوالى 100 أو اكثر حسب صبرك و فلوسك ^_^
(2)بعد أم تجمع الفوارغ روح روض و حسن اللى روضته و تكون الحصيلة مرافقين +3
(3)تلفل اللى تقدر عليه معك لو لفلك كفو و حط فى مزرعة المرافق اللى تقدر عليه
(4) سعر الحبة اللفل90+3 شائع أيا كان نوعها يتراوح من 40مليون ل80مليون
طبعا ممكن تعمل +4 شائع بس ما أنصح بكدا
لأن مثلا يكون معك 4 مرافقين+3 لو بعت الحبة على 50م بتمن واحد +4 سعره 200م و لو حاولت تدمج ممكن يفشل معك و تخسر
فى حالة ترويضك +4
كرر الخطوات السابقة و لكن مع الغير شائع مثل الأدهم و الأشهب و الأنشودة و الصقر
سعر الغير شائع لفل90+2 من 80 ل120مليون
سعر الغير شائعلفل90+3 من 250 ل300مليون
فى حالة ترويضك+5 هتجازف شوية (أساسا الترويض مجازفة)
تدخل فى مشروع ترويض كنتاروسات
تعمل محل كنتاروسات فارغ يتراوح سعر الحبة من2.5 مليون ل3 مليون
جمعلك حوالى 30 فارغة و روح جرب حظك و روض
سعر الكنتاروس مروض و لسة بيبى صغير 120 مليون
سعر كنتاروس لفل 90 غير محسن من 140مليون ل160مليون
نصيحة لا تحسن كنتاروسات بيعهم غير محسنين
فى حالة ربنا كرمك أوى و اشتريت ترويض+6 و بقى معاك فلوس كتير
اعمل محل كيوبيات فوارغ الحبة سعرها من 13مليون ل15مليون فارغ
جمعلك حوالى 30 حبة أو 20 و جرب حظك و روض
سعر الحبة مروضه من 400مليون ل500مليون
سعر الكيوبى لفل 150+ من 800مليون لمليار و 200 مليون
فى حالة ترويضك +7 أه من ترويض +7
عندك خيارين أنصح بهما : اما تدخل فى مشروع ترويض ذو رؤوس (مهم جدا) سعر الفارغة يتراوح من28مليون ل35مليون دهبة
سعر ذو الرؤوس للجيب غير محسن : 100نقطة أى ما يعادل مليار و 200 مليون كاش
أو لو معك فلوس كتير أوى أوى اشترى تنانين فوارغ سعر الحبة يتراوح من 60مليون ل80مليون
سعر التنين المروض على ما أعتقد 400نقطة
فى حالة ترويضك +8 فيما فوق
روض مرافقى الميدان
سعر الفارغة الواحدة يتراوح من 300 مليون ل800مليون على حسب نوعها
سعر مرافق الميدان المروض يتراوح من 750نقطة ل1000 نقطة
يعنى تستنتج ان كل ما زادت رتبتة بطاقة ترويضك زادت خياراتك و خطط جمع المال الخاصة بك
بخصوص مرافقين الصيد اصدار الغموض
يفضل ترويض الصيد رتبة الشائع ببطاقة ترويض +3 فيما فوق
يفضل ترويض مرافقى الصيد النادر و الفريد ببطاقة ترويض +5 فيما فوق
سعر الحبة المروضة شائع من20 ل25 مليون و النادر من 120 ل140 مليون
بخصوص مرافقى صيد اصدار العبور
يفضل ترويض زعماء الدهاليز بترويض +7 فيما فوق
السعر : الله أعلم هههههههه ... موفقين فى الترويض يا رب
ملحوظات مهمة جدا لدعم ترويضك
(1)ينصح بأن يكون لفلك 150+ أى تكون محترف و لفل كبير لأن فرق اللفل بينك و بين الوحش يزيد نسبة النجاح
(2)اشترى مجموعة الترويض رودورا تزيد لفل الترويض 3 لفلا فيكون ترويضك لفل 13 و ليس لفل 10
(3)اشترى صيد ايا كانت رتبته يكون اسعافى و فيه مهارة الدعم السحرى المستمر (تظهر عشوائيا عند لفل 140) ، أول لو معك مرافق مدمر فيه هذه المهارة
و الدعم السحرى المستمر بف يزيد كل المهارات السحرية (و مهارة ترويض المرافق سحرية) اذن هيكون لفل ترويضك14 لكن اللى بيظهرلك انه لفل 13
(5)بفرض أنك بادىء من الصفر ... طرق الحصول على المال
مشكورين كل من ساهموا بمواضيع التجارة ، و بعد اذنهم سأقوم بنقل بعض خبراتهم فى هذا البند
معلومات قيمة من الأخ Wesker فى موضوع قديم و أشكره لجهوده الجبارة
المشاركة الأصلية كتبت بواسطة Wesker
و فى النهاية أرجو أن يكون قد أعجبكم الموضوع و أفادكم الشرح
و أرجو من جميع اللاعبين حسن السلوك فى التجارة و عدم استخدام جهل الآخرين بالأسعار و محاولة تقليل الغلاء لجعل أمل الشعوب عالم أفضل
و أرجو الدعم من طاقم المشرفين بتثبيت الموضوع لتعم الفائدة