6
السلام عليكم ورحمة الله تعالى وبركاته
قبل كل شي رجاء خاص مني الكم وبالاخص للجوارح .. اقرا الكلام كامل سواء قبل او بعد مشاهدة الفيديوات.
كثير من الجوارح طلبو مني اعمل شرح وفيديو للمرافقين الدفاعيين بما اني قلت سابقا انو كل مرافقين الصيد متساوين بكل شي وما في نوع افضل من نوع
ولكن المرافقين الدفاعيين يستحقو اكتر من مجرد فيديو قصير قد لا يوفيهم حقهم ... وما كذب من سمى مرافقي بـ (الياسكا الملكي) فهو فعلا وبكل صدق ملكي بمعنى الكلمة (اقصد الدفاعيين بشكل عام) ولعدة اسباب :
1- دم عالي جدا بينافس المدرعين في حالة تم الاهتمام فيه وطبعا دفاع رهيب بيخليه قادر على مجابهة اقوى الزعماء وجها لوجه .
2- فتك وضرر وخفة عاليين خاصة مع الجارح بما انو بيستفيد من مهارة تبادل القوى الي بتحول كمية من نسبة الدم لفتك.
3- دعم المرافق الثانوي ورفع الفتك لاقصى الحدود.
واكيد هاد مش السبب الوحيد الي خلاني اصور الفيديوات ولكن لعدة اسباب منها:
1 - اظهار قدرة الجارح على قتل اقوى زعماء اللعبة فردي ومواجهتهم وجها لوجه وبدون المهارات الي بتقلل من حركة الوحش وما بتخليه حتى يوصل للاعب.
2 - رسالة لكل الجوارح بانه مش الدروب لحاله بيثبت قوتك او احترافك انما قدرتك على مواجهة التحديات وايجاد الحلول المناسبة لها وقهرها هو الاهم والاهم والاهم.
3 - رسالة للاعبين الي بيقولو .. كفو المرافق اما الجارح بس مهمته يسعف .. والكلمة هاي من يومين شفتها وشفتها من قبل كتير .. اوكي اعمل تخصص جارح واعمل مرافقينك بنفسك واعمل اسلحتهم ولا تسال عن اي معلومة عن الجارح وروح اقتل زعماء اللعبة .. يا كفو.
بالنسبة لاسلحة المرافقين ...
1 - المرافق الدفاعي مسلح صولجان قبضتين +10 والدرع +13 باحجار فريدة فقط.
2 - المرافق الضرر بعيد مسلح قوس +15 بدون مجرات ودرع +8 باحجار فريدة فقط.
نيجي الان للفيديوات مع ضرورة وضح شرح بسيط لكل فيديو ...
1 - الفيديو الاول انهاء سرداب المفقود مستوى 4 كامل ... البوفات كاملة لكن بدون بوف الدرع اللامع ... وقت قتل الارملة 35 ثانية فقط.
المنجم المفقود
2 - الفيديو التاني انهاء سرداب باب القمر مستوى 4 بدون قتل الزعيمة لاني واجهت فيها مشكلة بسيطة لكن محلولة مع قتل ميدوسا مستوى 3 بنهاية الفيديو انتقاما لمرافقيني XD .. البوفات هي نفس بوفات المفقود لكن بدون ينابيع .. لما خلصتو قلت لسا في وقت طويل ما في داعي للتجديد ^,^.
باب القمر
ملاحظة صغيرة .. لاحد يسالني شو بتقول البنت باول الفيديو لاني ما بعرف اصلا بس عجبني كلامها :")
3 - الفيديو الثالث انها سرداب الماس مستوى 3 كامل والبوفات بدون ينابيع وحصل معي لاق خرافي ظاهر بالفيديو وكان رح يوديني بداهية عند ارغوث لكن الحمد لله ربنا سلم :") .
سرداب الماس
الفيديو مسرع بمعظم الاماكن بسبب طول مدتو بعض الشيء.
همسة لكل الجوارح بموضوع لاحظته كتير ... لا تياس وتقول انا نوب ودروبي ضعيف او ضرري ضعيف .. حاول ثم حاول ثم حاول واهم شي ابتكر طرقك بنفسك ولا تكون مقلد لغيرك ترى الطرق والاساليب كثيرة جدا ولكن المشكلة لما يكون التفكير شوي محدود بالاشي الي بنشوفو قدامنا.
امكانياتك قليلة؟؟ .. ممكن .. لكن التفكير الكبير والابتكار بيميزك عن غيرك وبيخليك قدوة في عيون الاخرين.
واعذروني بهمسة ثانية قلتها سابقا وبرجع اقولها الان .. الجارح اكتر تخصص واسع بين جميع تخصصات اللعبة واكثرها متعة .. كل تخصصات اللعبة بتعتمد بالكتير على 30 مهارة مثلا ؟؟ الجارح عدد مهاراته بعدد مهارات جميع المرافقين الموجودين باللعبة واترك لكم الخيال لتتوقعو عددها .. مليت الجارح ؟؟ بسيطة ما عليك الا تغير المرافقين الي بتلعب فيهم وتغير نمطهم .. من ضرر بعيد لقريب ومن قريب لدفاعي ومن دفاعي لـ سحري وطبعا بمختلف انواعهم واشكالهم ومهاراتهم وانا اضمنلك تجدد المتعة بالتخصص ممكن اكتر من الاول :").
وبالنهاية شكرا لصبركم علي وعلى الكلام الكتير الي بكتبه مجبر لاني ما بقدر اقوله للكل بشخصه ولكنه لازم يوصل لكل الجوارح لاهميته.
اخوكم المحب لكم دائما
(":للترويض:")