تحديث اللعبة بشكل يتناسب مع سنه 2020

[akamoun0999]

​السلام عليكم أحبابي عشاق أمل الشعوب . أنا أحد عشاق أمل الشعوب أعتزلت سنه 2009 ورجعت تاني من اسبوع او 10 ايام و السراحه زعلت جدا على اللعبة .

من وجهة نظري أمل الشعوب أحد أفضل الألعاب الي نزلت على الاطلاق , اللعبه لما نزلت كان وقتها نازل بردو العاب تانية مش هذكر الأسامي علشان الموضوع مايتمسحش , دلوقتي بصو على الالعاب دي وبصو على أمل الشعوب , حاجه تبكي قسما بالله , لية لعبة زي دي مش بتطور من نفسها وتبقى رائدة في مجال الألعاب بصو على اللعبة المشهورة جدا دلوقت شوفو بتطور في نفهسا ازاي ونزلت نسخ للفون دا حتى الألعاب الي طلعت مع أمل الشعوب في منها نزلو فون , ولعبتنا بقى حدث ولا حرج محدثتش حتى موضوع قطع الأتصال دا حتى مش بيضيفو خيار اعادة المحاولة مرة اخرى , دا غير الجرافيك الي متوسط الى حد ما و الصور الي في اللعبة الي متحدثتش من يوم ما اتعملت . دا حتى كان الأول في جي ام كانو بيفتحو يوم الجمعه ويشوفو اللاعبين بيشتكو من اية و اية اقتراحات التطوير دا غير انهم بيساعدو اللعيبة وبيدوهم هدايا مميزة ومسابقات . واذكر موقف مش هنساة في حياتي صديق ليا كان زعلان من جي ام علشان كان /عامل مسابقة و اشترك فيها ومكسبش وكلم الجي ام وعاتبه عتاب جامد الجيم ام قالة تعالى جندار راحلة تاجر و اعطالة قلادة 55 الف وقاله معلش حقك عليا بس اجتهد في المسابقة الجاية علشان تفوز ما تتخيلوش فرحه صحبي دا والله . وقتها كانت اللعبة لسة رافعه احجار تطوير القلادة من المتجر ايام مكانت لسة ببلاش والي كان معاه صقر او عكوب كان بيتعامل معاملة الجي ام . المستفاد يعني من القصة ان الاول كان في اهتمام باللعبة اكبر من دلوتق وتطوير نوعا ما ومسابقات وبفات بصفه دورية الناس كانت بتسنى وقت معين بيفتح في الجي ام وبيدي بفات و كان بيوزع هدايا للمبتدئين وكانو بيسيطرو ع السوق بتنسيق مع اللاعبين وكان في مميزات يامه والله .بس دلوقتي ولا الهوا تبقى تلعب تلاقي قطع الاتصال واللعبة فيها صيانه وتدخل الصفحه متلاقيش حاجه لافي اخبار عن صيانه ولا أي حاجه . والمبتدئ ملهوش أي قيمه بالمعنى الحرفي للكلمه . أنا لما رجعت كانت معلوماتي صفر عن اللعبه وكنت ابحث في المنتدى وبسأل الناس عن الحاجات الي بعملها وأغلب الي اكلمه ميردش أو يقولي اشتري حساب عالي أحسن لإن اللعبه بقت للي بيشحن وبس .

نأسف للإطاله ونرجو الإهتمام باللعبه و اللاعبين ونرجو تطويرها في الايام القدامه كل الحب و الود لكم

أرجو التفاعل على الموضوع + لو حد عندة إقتراح تاني ياريت يشاركنا دمتم بخير

​

[shaerd2010]

مشكلة امل الشعوب انها ما تطور ابدا
اصدار المتاهة نازل عام 2017 والقلعة صار له سنة نازل وللحين ما ندري هل فيه اصدار قادم او لا
واعرف العاب حاليا شهريا يعملوا تحديثات وتغيرات تواكب رغبات اللاعبين ويضيفوا حاجات جديدة
واحنا ننتظر بالسنين حتى يعملوا اصدار وغالبا يكون مجرد اضعاف تخصص وتقوية تخصص اخر واضافة بعض الدروب والاجنحة الجديدة وبس ويتم اهمال كل الاخطاء والثغرات ومستحيل يعملوا اصدار يوازن بين التخصصات عندنا تخصصات هنا منسية وعليها غبار وهذا الشي يقتل اللعبة والحماس بحيث كل اصدار يدعم تخصص معين والسرفير كله يحول لهذا التخصص ويتم قتل الابداع والابتكار بالتخصصات الباقية والتنويع

[akamoun0999]

أتفق جدا مع كلامك + إن اللعبه كل مرا بتحدث فيها اصدار بتزيد اعتمادها على الناس الي بتشحن وبس , بتديهم صلاحيات وهدايا اكتر من الي كانت معاهه اصلا و الي مش بيشحن ملهوش وزن عندهم​