محتوي اللعبة المختلف و ساعات اللعب

[omarxali3]

السلام عليكم
كنت سايب اللعبة بقالي سنتين تقريبا و قررت ارجع حاليا بالاخص بعد ما شوفت المرافقين الجدد لاني بلعب بتخصص جارح و المرافقين حمسوني جدا اني اجربهم بالاخص الدفاعي عشان كوامنه.
المهم المره دي فكرت ارجع بشكل كويس و اهتم اكتر بتطوير الشخصية و اني استمر مده اطول في اللعبة عكس قبل كده.
بس عندي استفسارين عشان اقدر اعمل حاجة زي كده.

الاول : هل ساعة لساعتين لعب في اليوم كافيين اني اوصل لمرحلة كويسة (مش شرط حاجة عاليه بس حاجة مرضيه) ولا صعب و هتحتاج وقت اطول من كده، لاني صعب اقعد اكتر من كده علي لعبة عشان الشغل وكده.

تاني حاجة، هل في نشاطات تانية في اللعبة غير التدريب و زيادة الليفل، و التجميع ؟؟ لان دول اكتر حاجتين مهمين في اللعبة و في نفس الوقت اكتر حاجتين مملين.
يعني دلوقتي انا رجعت اللعبة و بقيت اجمع دهب عشان اقوي الشخصية، و بدرب عشان ازيد من لفلها، و بقي عندي شخصية قوية بشكل ما و لفلها عالي الي حد ما، ايه اللي ممكن اعمله تاني، يعني فين الجزء الممتع او النشاطات التانية اللي ممكن اجرب فيها قوة الشخصية مثلا، ولا الموضوع هيبقي مقتصر علي تطوير الشخصية و معداتها بس طول فترة اللعب ؟؟؟
بس حاجة تكون بعيدة عن الpvp لان حاجة زي دا اعتقد هيبقي صعب لشخص مش بيشحن و مش بيقعد كتير في اللعبة، انه يدخلها و يجربها.

معلش كبرت الموضوع شوية، بس مكنتش حابب اني ارجع المره دي و بعد شهرين اسيب اللعبة و استني لحد ماينزل تحديث كبير تاني عشان ارجعلها تاني.

[7amattoking999]

مهتم!

[SetoBasil]

انا اللعب من فترة طويلة كل يوم ادخل تقريبا ساعتين وفي نهاية الاسبوع ادخل 4 ساعات تقريبا

الجواب البسيط يب لو تجلس الساعتين بالتجميع لفترة معينه راح تقدر تجيب اغراض جيدة وتكون شخصية جيدة

اما بالنسبة للمحتوى غير الـ pvp ما اضن فيه

يعني عندك دهليز التحدي مثلا لكن خلنا واقعيين محد يدخله ولا احد يهتم فيه لانه مضيع للوقت ولا فيه جوائز تستاهل الكوجي ماله اي قيمة لو تبي تجمع له غير الشكل بس

فيه الميدان والهلاك لكنهم pvp يعني اغلب الي يلعبونها فل الفل ما اضن تقدر تنافسهم

هممم والله سؤالك جيد خخخخخ يبدو انه فعلا ما فيه شيء الا لو انا ناسي شيء بديهي

[liveisgame]

الاول : هل ساعة لساعتين لعب في اليوم كافيين اني اوصل لمرحلة كويسة (مش شرط حاجة عاليه بس حاجة مرضيه) ولا صعب و هتحتاج وقت اطول من كده، لاني صعب اقعد اكتر من كده علي لعبة عشان الشغل وكده.

حسب تعريفك للمرحلة الكويسة

اذا هدفك مثلاً القدرة على التدريب بالمكان المناسب لمستواك مهما كانت السرعة

فيكفي ساعتين يومياً

إذا هدفك الوصول إلى 200 بخلال شهر بدون مدرب

فلا تكفي ساعتين

تاني حاجة، هل في نشاطات تانية في اللعبة غير التدريب و زيادة الليفل، و التجميع ؟؟ لان دول اكتر حاجتين مهمين في اللعبة و في نفس الوقت اكتر حاجتين مملين.
يعني دلوقتي انا رجعت اللعبة و بقيت اجمع دهب عشان اقوي الشخصية، و بدرب عشان ازيد من لفلها، و بقي عندي شخصية قوية بشكل ما و لفلها عالي الي حد ما، ايه اللي ممكن اعمله تاني، يعني فين الجزء الممتع او النشاطات التانية اللي ممكن اجرب فيها قوة الشخصية مثلا، ولا الموضوع هيبقي مقتصر علي تطوير الشخصية و معداتها بس طول فترة اللعب ؟؟؟

من خبرتي الطويلة بالاجابة على سؤال ( أين المتعة بمشاهدة الأنمي؟ )

فمن يسأل غالباً لم يجد المتعة بالشيء الذي يسأل بشأنه

و الإشارة لشيء معين لن يفيد بحالتنا هذه

لأن المتعة ليست شيء منطقي ستشعر به اذا وجدت حجة منطقية تقنعك بوجودها

بل شعور ناتج من التجربة

أو من يسأل لم يجرب و أيضاً بحالتنا هذه غير مفيد شرح المتعة له بدون قيامه بالتجربة

بالنسبة لي كنت استمتع برحلة الكفاح اللانهائية لزيادة المستوى و قوة الأدوات و الجمع

و الدردشة بحقل أوروك الشمالي ( جربت الدردشة بجندار و لم تكن ممتعة )

و الاجابة على الاستفسارات

[omarxali3]

من خبرتي الطويلة بالاجابة على سؤال ( أين المتعة بمشاهدة الأنمي؟ )

فمن يسأل غالباً لم يجد المتعة بالشيء الذي يسأل بشأنه

و الإشارة لشيء معين لن يفيد بحالتنا هذه

لأن المتعة ليست شيء منطقي ستشعر به اذا وجدت حجة منطقية تقنعك بوجودها

بل شعور ناتج من التجربة

أو من يسأل لم يجرب و أيضاً بحالتنا هذه غير مفيد شرح المتعة له بدون قيامه بالتجربة

بالنسبة لي كنت استمتع برحلة الكفاح اللانهائية لزيادة المستوى و قوة الأدوات و الجمع

و الدردشة بحقل أوروك الشمالي ( جربت الدردشة بجندار و لم تكن ممتعة )

و الاجابة على الاستفسارات

هو في نقطة بسيطه, ان الالعاب و الانمي تصنف تبع جزء الترفيه و المتعة.
مشاهدة الانمي او الافلام ممتعة و بتخيلك تخرج من مود الشغل و ترفه عن نفسك, و لو الموضوع بقي مش ممتع اعتقد مش هتكمل فيه, يعني لو بتشوف مسلسل و كنت مستمع بيه في البداية و وصلت لنصه و بدءت تحس بملل و مافيش اي متعة في الموضوع, اعتقد انك هتسيبه و تبدء تتابع شئ غيره.
نفس فكرة الالعاب برضو, في ملايين الالعاب الموجودة, بس سبب اختيارك للعبه معينه في المقام الاول هو ان اللعبة دي تقدر توفرلك المتعة و الترفية االمناسبين ليك عكس باقي الالعاب التانية, فكون اي لعبة تتحول من انها شئ مفروض انه يرفهني و يخفف عني اعباء الحياة, الي شغل يومي روتين فكده مبقتش لعبة.

[omarxali3]

انا فاهم ان بعض الالعاب بتكون اكبر من مجرد شئ للترفيه وخلاص, و دي اللي بيبقي فيها جزء تطوير الشخصية و دا اللي بيخليك ترتبط بالشخصية و انك تستمع كل مره تطور فيها حاجة للشخصية.

بس دا ميمنعش ان اللعبة يبقي فيها جزء ممتع او الجزء اللي انت بتلعب فيه (بعيدا عن تطوير الشخصية عن طريق التدريب او التجميع), يعني حاجة زي لعبة روكت ليج او باتل فيلد او كول اوف ديوتي, الالعاب دي كلها بتعتمد علي الاستمتاع باللعبة مش تطوير الشخصية, رغم ان لما بينزل حدث في اللعبة و بيخليك تحصل علي بعض الادوات القيمة بس بيحتاج منك وقت و مجهود كبير عشان تقدر تجبهم, هنا الموضوع بيتحول الي فارم(زي التجميع) ممكن تقعد كذا ساعة تعمل نفس الشئ الممل عشان تحصل بس علي الادوات دي بس في الاخر لما بتحصل عليهم بتسيب جزء الفارم و ترجع لجزء اللعب, فهنا اللعبة قدمت جزئين, جزء اللعب و دا اللي بتقدر تستمع بيه بشكل مباشر و اللي علي اساسه بتقيم بيه اللعبة ممتعة ولا لا و مناسبه ليك ولا لا, وتاني جزء هو جزء الفارم اللي بيكون ممل جدا بس في المقابل بيساعدك انك تطور من شخصيتك و بيحسن من تجربتك للعبة.

فاي لعبة لازم يكون فيها الجزئين دول, و الا كده فانت بتدور في متاهة ملهاش نهاية, يعني لازم تطور شخصيتك و معداتها عشان تقدر تجمع 300 مليون في ساعة, عشان تاخد الفلوس دي و تطور بيها شخصيتك ومعداتها عشان تقدر تجمع 500 مليون في ساعة, عشان تاخد الفلوس دي و تطور بيها شخصيتك ومعداتها عشان تقدر تجمع 700 مليون في ساعة, عشان...... وهكذا, طب كده انا استفد ايه ولا انا هلعب و استمتع امتي ؟؟؟!
طب ما لو هو شغل بشغل, استغل الساعتين دول واشتغل علي نفسي في الحقيقة بدل ما اشتغلهم في اللعبة طلما كده كده شغل.

[omarxali3]

اللي انا قصدي عليه في امل الشعوب, ان يبقي في حاجة زي دهليز الثقب(بتاع العرافة المجنونة,مش متاكد من الاسم), الدهليز دا فكرته حلوة جدا بس مش مستغل صح, لانه تقدر تتدخله مره واحده يوميا و بيدي جوائز مرتبطه بالشخصية, و كله زعماء فقط و كل زعيم بيحتاج طريقة معينة عشان تقتله, بس مشكلته انه حاليا سهل جدا و الجوائز فيه مش افضل حاجة.
يعني لو حبينا نستغله صح مثلا يبقي في منه كذا مستوي و كل مستوي في جوائز معينه(بس طبعا مرتبطه بالشخصية عشان الموضوع ميتحولش لفارم) و يبقي مستوي الصعوبة فيه متوازنه وفيه مستوي تحدي كويس, و كل زعيم بيحتاج طريقة مختلفة عشان تقتله و لو انت مش فاهم في الشخصية اللي بتلعب بيها او مهاراتها وامتي تستخدم ايه, دا هيخليك تموت بسهولة ومش هتقدر تقتل اي زعيم.
هنا فعلا دا هيبقي الجزء الممتع لانه مش هيبقي مجرد شئ روتيني عبارة عن شوية وحوش بتقتلهم وخلاص بدون تفكير و ممكن اي برنامج تلقائي يخلص الموضوع دا, لا هنا لازم تكون مركز وانت بتقتل كل زعيم و عشان ممكن اي حاجة غلط تخليك تموت, و فكرة الجوائز اللي فيه هتبقي شئ مرضي انك تدخله كل يوم, و شئ كافي انك تطور من شخصيتك و تحسن من طريقة لعبك وتفهم شخصيتك اكتر عشان تقدر تلعب في المستويات الاعلي و تاخد جوايز اكتر.
لو افترضنا ان في حاجة كمان او حاجتين كمان في اللعبة شبه كد(مش فس الفكرة, بس حاجة تقدر تدخلها مره واحد فقط يوميا و فيها تحدي كبيرة و بتحتاج تركيز في اللعب), اعتقد كده هيبقي في كذا حاجة ممتعة و تقدر تختبر في قوة شخصيتك و طريقة لعبك و هتكون مستمع بيها. (بالنسبة لباقي الدهاليز التانية زي السراديب او البركان او السيرك, الحاجات دي كلها ممله و مفهاش اي ابداع عشان كده اتكلمت علي الثقب فقط)

حاجة تانية برضو بالنسبة لpvp, ليه متبقاش زي معظم الالعاب التانية ان اي شخصية يبقي ليها اسكور معين علي حسب قوتها, يعني لو انت شخصية +25 و كل حاجة فل يبقي اسكورك 50 الف مثلا, ولو انت شخصية +12 و علي قدك يبقي اسكورك 10الف مثلا, ولما تدخل اي مود pvp كل الشخصيات النفس الاسكور او قريبين من بعض يدخلو مع بعض, كده هنا الوضوع هيتحول من الاعتماد علي الادوات الي الاعتماد علي مهارة الشخص نفسه في اللعب.