0
السسلام عليكم ورحمة الله وبركاته ..
كثرة المواضيع المقارنات بين الفولاذي والفارس ..
وكلن يسب في التخصص الثاني ويمدح في تخصصه ..
وانا ابي اقول وجهة نظري وهي قابله للتغيير والتعديل من الجميع لنخرج بصوره واضحه وفكره
مبسطه عن هذين التخصصين العظيمين ..
قبل مانبدا فيه شي ابي الجميع يعرفه ألا وهو هذا موضوع نقاش فقط وفيه الصواب والخطأ
وابدا من هالنقطه :
ان الفولاذي المحترف اقوا من الفارس المحترف بمرااحل كثيره ..ويقدر يهزم من هم اعلى منه لفل بكثير وبسهوووله تامه المهم الأدوات الأساسيه موجوده وأهم الأشياء مثل احجار كامله ادوات كامله لاتقل عن 10+5 وبطاقات مهاره 2+ اقل شي ولا بأس في جناح و زي دب او نينجا وغيرها ..
لان الفولاذي عنده القوس واسرع اغشاء ويكملها بسس بأحجار تركيز ويطوره قد مايقدر
احتياط لو حطا الفارس ترس .. لاكن تقريبا ماراح يفيده اي شي قدام القوس .. والباقي على الأدوات
وبعدين تقول لي لا الفارس يقدر وانا فارس قدرت على فولاذي فالأمر لايخرج عن احتمالين :
1- الفولاذي محترف لاكن ادواته ماهي كامله والفارس كامله .. يعني :
ادواته ماهي مطوره , احجاره ناقصه , مثلا ماعنده زي نينجا وجناح وانت تكون هذي عندك يالفارس
كامله مكمله .^^
2- الفولاذي يكون غير محترف مايستعمل القوس .. وش المشكله طيب ؟
لان كذا فقد ميزة انه يمسسك بالبدايه ونت خلاص بتسوي اعماء وباقي المهارات إلي ماتخلص ^^
وانا اول ماسجلت اخترت الفولاذي وصقيقي ^^ بالمدرسه
اختار تخصص فارس سجلنا مع بعضكنت افوز عليه دايم وهذيك الأيام
باقي ماخلصنا العرافه وكلنا مطورين دواتنا وحنا مو محترفين
وكان هو يكره الفارس يبي يصير فولاذي فبغيت اقنعه يبقى فيه قلت نسوي مقارنه في الخصائص
وبدون لبس شي وطلع الفولاذي اقوا بمراحل في الخصائص لاسيما في الدفاع والقوه ..
واتوقع هالكلام يستمر من 1 إلى لفل 150 ماتفرق .. يعني الفولاذي اقوا بالفطره ^^
واقول هو صاحب اقوا ضرر بلا منازع ابد .. تقولون لي فواز وما فواز وكم فارس ..
اقول للحين ماطلع فولاذي محترف ووصل يعني 155 وهو مهتم للأمور بهذي مثل فواز
يعني فواز سؤال وش بقى ماجاب عشان يزيد قوته ؟؟
خواتم كلها قوه وفتك .. ادوات صلابه فتك .. بطاقات مهاره اكيد واكيدين 3+ وفوق لأهم المهارات
ادوات مطوره 10+10 وفووق .. يمكن 15 يمكن 20 ماندري وكنتاروس 2+ بالحزام ^^
غير في اقوا ضرر ما ادري هو كان ماخذ بوفات ولا لا لاكن اتوقع ايه وترياق كنتاروس وحاله يعني
ماخلا شي .. وأصلا لو ماوصل لهذا الضرر بجي وبقولها له في وجهه انت نوب ^^ يعني وش بقيت
لو يجي فولاذي وياخذ مثل هذي كلها وياخذ مثل ادوات الفارس أجزم وأجزم وأجزم انه ليوصل اعلى
منه بملايين المرات .. واتوقع لهب حارق تكفي ^^
ونا شفت مبارزه بين فولاذي لفل 151 و فواز لفله 158 الفولاذي فاز على فواز بدون فواز يقدر يحرك ساكن وبضرر مدمر لهب حارق وصل فيها 6 آلاف فيه وهذا دليل كافي على قوة الفولاذي المحترف وان الفارس قدامه شي سهل ويسهل عزيمته ..
الفارس دفاعه وهجوم بالفولاذي اقل نسبينا وجربها رح عند فولاذي قد لفلك الممهم لاكان متخصص ولفله 50
تكون انت متخصص و لفلك 50 مو تتخصص ولفلك 50 وهو 40 وتقول انا اقوا .. ويكون قد لفلك وفصخ
كل شي وشوف الخصائص وتعرف الفرق ^^
الفولاذي لازم له احتراف + صبر واستعمال مهارات بحكمه .. مثلا
لو الفريق يعتمد عليك بشكل كامل بالأفضل لك فأس فبضتين عشان تنسف الوحش بأسرع وقت
لو الفريق فيه مرافقين كفو وتخصصات حربيه قويه فاسين تكفي ضرر اقل نسبيا وتوفير ام بي ,,
يعني فيه مسائل كثيره في الفولاذي ماتقدر تعرفها إلا لما اقل شي تلعب فيه سنه اما الفارس
والله وللأسف يلعبه أي لاعب ^^ ابد رتب مهاراتك وخل بين كل مهاره اغشاء واهم شي ظلام الرؤويه
ويغطي الفارس عيبه الدفاعي بالإغشائات .. وانا كنت اضم بالفريق فرسان بس عشان يسوون لي ظلام الرؤيه ^^
وطبعا ما اقصد بكلامي الفارس تخصص نوب .. بالعكس تخصص قوي وحلو ومممتع ومهاراته كثيره
ومتنوعه واغشائات كثيره يعني في اللفلات العاليه الوحش ماتفكه إلا ودمه خلاص على الأخير ..
وهذي مقارنه بسيطه بين الفولاذي والفارس :
1- الفارس يستعمل سلاح واحد وهو الصولجان واشوف السيفين مالها أي فائده ابد ^^
عكس الفولاذي فأسين وفأس قبضتين والقوس يعني لازم تتعود على السرعه في تبديل الأسلحه وهذي صراحه كانت مشكله بالنسبه لي لين اتقنتها ..
2- الفارس يعوض دمه مباشره بمهاره اما الفولاذي فهو قلق لازم لولبيات 3 مرات ثم يعوض لاكنهم نفس تقريبا الكميه المستعاده من الدم
3- الفارس عنده تقريبا بوفين والثالث خاص بالترس بوفات و الفولاذي يملك 4 بوفات خاصه 3 لضرر ووحده للدم والدفاع .. ..
4- الفارس مايواجه مشاكل في الأم بي .. اما الفولاذي فيواجه مشاكل عصيبه مع الأم بي فمهاراته تخسف فيه خسف كبير جدا لكن باللفلات العاليه ماعنده مشكله معوضات ام بي + يحط بطاقات مهاره تقلل استهلاك الأم بي ويمشي حاله ^^
5- الفارس مايقدر يغلب جميع التخصصات نظرا لأن ماعنده اغشاء سريع مثل الفولاذي فلو بارز ظلامي
خسارته مؤكده 100% لو استعمل الظلامي السرعه الخارقه ثم حمام نيازك ثم لولب وهنا ميت الفارس اكيد لو مامات عاد يزيد عليه كم مهاره بس الفولاذي الظلامي اسهل شي قدامه قوس واغشه ورح له ولن يصمد امامك إلا في حالة حالفه الحظ وجا الأغشاء تفادي وراحت عليك عندها لو هو استغلها الله يرحمك ^^
6- الفارس فداام قناص او محطم ينهزم بعد لو هم محترفين ومطورين ادواتهم مثل تطويرك لانهم اصحاب الغام ام الفولاذي فعنده مهاره تدفعه للخلف الصدمه اللولبيه ثم تجميد ويجيه من ورا ويفضخ راسه ^^
وهذي تكفي اعتقد
بقي نقطه بسيطه وهي الفولاذي لو محترف صح يقدر يهزم جميع التخصصات بدون ان يلمس ..
كيف يكون ذكي يبدا بقوس ثم تجميد ثم قاصم ثم اضعاف دفاع ثم فاسين عاصفه وزوبعه ثم فاس قبضتين زلزال
ولهب وقنبله وبريق نار ماامات يرجع القوس سريع ويعطيه تجميد ويبدا الدوره من جديد ^^
واخيرا ننوه :
اختلاف الرأي لايفسسد للود قضيه
فكما للفولاذي عيوب فالفارس له عيوب لاكني بما اني فولاذي فغلب على موضوعي الكلام الجمليه عن الفولاذي
ولا ابي اشوف سب في هالموضوع عندك نقطه وكلام منطقي على العين والراس واناقشك فيه تقنعني ولا اقنعك
اما رد الفولاذي نوب الفارس نوب وبدون سبب فأنا من الحين اعتذر على الرد عليك واقول لك كبر عقلك يابابا
واخيراا اشكررر الجميع وتمنياتي للجميع بالتوفيق